2006年《信報》賣盤畀小小超，曹仁超 曹Sir亦順手賣埋股份，不過當年盛傳小小超要曹Sir簽兩年死約，繼續寫專欄。約滿後，2009年日記變成周記，其間屢傳佢同前老細不和，打算蟬過別枝。
在《信報》撰寫〈投資者日記〉專欄超過30年嘅曹仁超，打算今年底正式封筆兼離開老東家，之後會用多啲時間搞慈善工作，亦可以集中精力研究內地A股。
5、6月股市唔好，曹Sir自嘲呢排輸咗幾個 Mil（幾百萬元），叫人哋唔好叫佢做專家，事關專家只係識事後孔明。真名叫志明的曹 Sir又自爆，「長線投資必死，買股票三、四日就要計一次數，就好似齣戲（《志明與春嬌》）入面，春嬌識咗志明四、五日後，就決定受媾定係散band喎！」
曹仁超唱淡港股 恒指今季跌3000點
出席公開講座時 曹仁超警告，港股今季將見17000至18000點，以上周五收市計算，跌幅將超過3000點。不過，他同時指出，跌市之時亦造就入市的契機，估計港股可於 9月見底回升，首選內銀股及內房股。至於樓市方面，他對本港樓價，尤其豪宅市場憂心忡忡，擔心泡沫會隨時爆煲。
曹仁超出席公開講座時認為，A股於去年8月份見頂，及後今年5月初乍現死亡交叉（50天線跌穿250天線）後， A股再跌逾兩成，至本月初2300點見底。
曹仁超補充指，中國市場屬領先指標，而港美兩地股市則為成熟型股市，走勢相對落後兩至三個月，因此按時間推算，港股預料於 9月份見底，谷底約處 250天線之下 10%至 15%，以現時牛熊線位處 20948計算，恒指將跌至 17000至 18000點水平。
曹氏指出，道指上周五急跌之後， 50天線與 250線僅相距 42點，周內有機會出現死亡交叉，對後市亦是一大利淡訊號。
近期內地企業陸續放榜，他認為，業績理想已反映在股價之上，因此即使公佈盈喜，企業業績甚至勝預期，但很大機會出現「見光死」情況。
滬股: 有機重見07高位
雖然第三季市況凶險，但他卻不認為現時是熊市，亦不相信中港會出現雙底衰退，預期「十．一」國慶後，中央會推出放鬆銀根措施，投資者宜在 9月伺機入市，把握第四季開展的新升浪。
相對港股，曹氏對 A股市場更為樂觀。「A股第四季會進牛市第二期，這階段會維持三至五年，而整個牛三，更可能於五至七年內完成，屆時（滬綜指）很大機會重見07年6000點以上高位，回報超過200%。」
揀選策略上，曹仁超指現時只鍾情中資股，「本地股票只係上落市，到最後可能得個桔，但中資股仲係高增長市場，值博率遠勝本地藍籌…現時開始買內銀、內房股，可能買貴咗少少，但 80年代買本地地產，到 90年代高位套現，這種投資模式將會在中資股身上重演…四大銀行買齊都無問題，將來內銀會力拓理財及非利息收入業務，增長潛力十分可觀，回報一、兩倍只是時間問題。」
樓市: 豪宅泡沫隨時爆 天水圍樓價飆響警號
樓市方面，曹氏坦言現時有少少驚，「在外國，未見過豪宅會建於地鐵上蓋；而每一次炒到天水圍我就腳軟，家連天水圍樓價都炒高，係咪爆就唔知，但已經係一個警號。」
曹仁超亦透露，其居住的豪宅被內地客瘋狂問價，「 97之後，我未俾經紀騷擾，但家就開始俾人打電話問價，出價仲高過 97年 50%，豪宅已經儍儍哋，爆唔爆要睇政府點處理，如果狂推土地，豪宅及樓市實冧。」
曹仁超對股樓滙睇法
■ 本港股市 ： 今季跌多10至15%，最差為17000點見底，9月開始部署買貨
■ 本港樓市 ： 豪宅被瘋狂炒高，天水圍樓如97年般上漲，爆泡與否端視政府政策
■ 內地股市 ： 第四季進入牛市二期，未來三至七年會突破07年歷史高位
■ 內地樓市 ： 一線城市房價4至5月份已見頂，今年仍有10至15%跌幅
■ 人民幣 ： 今年會升2%至3%，最多升4%
■ 金價 ： 各種貴金屬中最堅淨，料於1150至1300美元徘徊
■ 外滙 ： 美元短期會反彈，歐元今年會再跌穿1.2美元
部分資料來自:
1. 蘋果日報 07月19日。
沒有留言:
發佈留言